Leter Rames nga larg…

One comment

Kryeminister,
Thame te te shkruanim nje leter nga larg me mall, se gjithmone te kemi shkruar keshtu nga afer.
Morem vesh qe e ke me vale te gjata kete rradhe. Te jemi te sinqerte, sa na e thane qe do te rrish 2 jave, na mori malli menjehere, s’pritem dot te kalonin ditet fare.

Andej besojme se do te kesh marre shtepi me qera. Shpresojme ta kesh gjetur ne vend te mire.

Po ndonje pune..apo s’ke kerkuar? Shife njehere, se ti vizen e ke qe e ke. Gjej nje pune dhe rregullohu andej.

Ketej ne jemi sic na le.

Aksionit te kuponave, sikur i ka mbaruar benzina.
Vajti qekur ke ikur ti, qe s’eshte arrestuar njeri. As berbere, as speca djeges, as turshi…asnje.
Se cfare bejne gjithe diten keta aksionistet, nje zot e di?

Leje qe kane filluar keta shitesit e farave te kungullit, po e teprojne prape me evazionin. Jo per gje, po japin shembull te keq.
Se keshtu fillon, ne fillim ata me fara kungulli, pastaj ata me fara luledielli, pastaj ata me cokollata, pastaj berberet..dhe ja ku u be grope buxheti prape pastaj.
Keshtu qe shikoje njehere vete kete ceshtje.

Se mos harrojme.
Brisi, komandantja e tatimeve, doli prape ne TV. Duket qe eshte vajze qe s’e vret mendjen se c’thone bota. Bravo!
Dhe rastisi ne te njejten dite qe Arjan Cani i beri testin e ADN-se Bleones ne mes te emisionit…
S’e dime kush ka pasur audiencen me te madhe, qe mos te te genjejme kot. Ishalla e ka pasur kjo e jona.

Ndersa nga energjia cdo gje ne rregull.

Sec kishin dale sot nja 400 familje ne Kamez qe kishin paguar energjine dhe kishin 8 muaj qe s’ua lidhnin dhe po protestonin aty e po bertisnin. Aman. Muhabete shqiptaresh. Mbeten duke u ankuar.
Leje qe nja 20-30 vete kishin hypur maje nje pallati, na e bene gjakun uje. Thame se u be vetevrasje kolektive.
Jalla se keshtu tek e tek jemi mesuar, po 20 pernjeheresh… do ta kishin marre gjithe keto mediat e Europes dhe kush rri e jep prape interviste tek Tim Sebastian pastaj..

Dhe nje gje tjeter. Ka filluar eshte hapur prape ai muhabeti i atyre 1.35 miliarde Eurove qe i fale CEZ-it me marrveshjen e mirekuptimit. Dhe per ate 85 milionshin qe ua dhe cash dhe per Arbitrazhin e DIA-s 135 milion. Kane filluar njerezit kerkojne t’iu kthehen leket. Duan te ktheje CEZ-i 85 milionet, arbitrazhi me DIA-n t’i kaloje CEZ-it sic ishte ne fillim dhe pastaj te paguaje CEZ edhe faturat e papaguara. Nja 350 milione Euro.

Ahh thone edhe qe te paguaje dhe detyrimet qe ka CEZ ne tatime nja 17 milione Euro. Se e ke parasysh ti, fillojne keta me daulle, jo fut ne burg berberat per 500 Leke dhe CEZ-it i fali 17 milione Euro.

Domethene kane ikur njerezit nga mendja me nje llaf.
Se ku do t’i gjesh ti ato leke tani. Ato kane ikur tani, jane prishur.

Gjithsesi, sa per qoke, thuaji Peleshit te dali t’i sqaroje dhe nje here si nje here, se ia ka marre doren.
Si tha atehere Peleshi “S’kemi 200 milione qe kerkon CEZ-i. Jemi shtet i varfer”.
Dhe nje muaj me vone vajtet dhe i dhate CEZ-it, me deshire, 220 milione. Brilante!

Degjo je qe je andej, na sill cik nafte kur te vish. Mbushi ato te tuat cfare ke per te mbushur dhe na sill dhe ne ndonje serbator. Ta blejme me 2-fishin e cmimit qe do ta blesh ne SHBA, se prape dalim me leverdi.

Keto ishin pak a shume..

Kalofsh bukur andej dhe befsh qejf.

Ah se desh harruam. Ata te OKB-se i kishe mahnitur fare na thane.
Thone qe Papa sapo kishe mbaruar ti fjalimin mbi harmonine fetare, ishte ngazellyer kaq shume, saqe kishte vajtur te behej synet, po vetem se s’kishte gjetur dyqan hapur.

Megjithate ti je i prere per kesi gjerash, s’ta qajme hallin.

Befsh qejf dhe mos e vrit mendjen per ne, se kur s’je ti, s’ka c’e keqe na gjen. Gjithe hallin e kemi kur je ti.

Do te te shkruajme prape kur te na marri malli.
P.S. Dhe mos harro shiko per ndonje pune andej e kemi seriozisht. Dhe fundja, rri andej mos u kthe fare. Ca do besh ketu me ne katunaret e bezdisshem qe te shkurtojme jeten me keto problemet tona mediokre.

Merru me piktura pershembull. Ti i qan. Galerite e New Yorkut jane si saksi me balte qe iu mungon lulja, pa ato pikturat e tua. Shife njehere..

Advertisements

1 comments on “Leter Rames nga larg…”

Leave a Reply